介绍广东几种水果的叫法

介绍广东的几总水果1介绍广东的几总水果104:54来自子末之记

介绍几种广东嘅水果，唔知北方噶你食过未。

人心果

人心果：热带水果嚟我第一次食系喺粤西，之所以叫人心果，系因为佢似嗮人心。真系好甜啊，尼只果，甜到漏，食多咗觉得条脷会好嚡。今次我翻广东，我大佬摘咗好多畀我。

三华李

三华李：记得我细个嗰阵，差唔多系4月底就可以上市啦，啱熟嗰阵有D酸酸哋，熟咗之后腍咗会好甜。仲有一个叫南华李，熟得比较迟，6月份度，尼只果更大啲，反正我系果盲，分唔清边只系边只。夏天广东基本上周街都可以买得到，仲好平添。

葡桃果

葡桃果，唔系葡萄哦，葡萄是提子。葡萄果，我阿嫲种咗一颗，5-7月份，可以摘嚟食。咪睇佢表面青bb咁，好甜，不过食起嚟只果水分唔系好多。以前贪食爬树去摘，仲跌亲个八月十五。痛咗好耐。

鸡屎果

芭乐，系广东，唔同嘅地方有唔同嘅叫法，一般叫鸡屎果，佛山有叫花lim，字点写我都唔记得啦，粤西有D地方叫番桃。尼只果食过嘅人应该比较多喇。佢仲分红囊同白囊，我比较钟意红囊嘅，一般红嘅都比较细只，仲好香。

一般黄皮

鸡心黄皮

黄皮，我啱过嚟福建果阵，都唔见边度有得卖，后尾都系叫我同学仔快递过嚟，我哋嗰边人话尼只果好好，有化痰止咳嘅作用，细细个感冒发烧我妈咪会摘d黄皮叶煲水冲凉，话去邪喔。黄皮亦都有两种，一种系个生成圆嘅，尼种熟得比较早，一种系叫鸡心黄皮，个样就系鸡心咁，鸡心黄皮相对其他黄皮嚟讲就比较甜，当然价钱亦都相对贵少少。

翻鬼荔枝

释迦:广东人叫翻鬼荔枝，讲真，我好钟意闻翻鬼荔枝熟咗嘅味道。

其他荔枝啊，龙眼嘅水果唔咩其他别名就唔多多介绍啦，宜家马云屋企嘅店开得咁太，上去搵一下乜野都搵得到，只有你惗唔出，无你买唔到嘅。

话你知

甜到漏tim4 dou3 lau6 ：意思甜到不行，非常甜

嚡haai4 ：粗糙

周街zau1 gaai1：满大街

青bb：青色的 青青的

跌亲dit3 can1 ：跌到，撞到（撞亲）汤到（渌亲）

腍nam4：软

平 peng4 ：便宜

八月十五baat3 jyut6 sap6 ng5 ：屁股，屁股的说法有很多，比方说：屎忽si2 fat1、 啰柚lo1 jau2 、八月十五 、pat pat

细细个sai3 sai3 go3 ：小小的时候

冲凉cung1 loeng4 ：洗澡

少少siu2 siu2 :一点点